بسم الله الرحمن الرحيم
من طبعي مش بعرف اعبر عن اللي جوايا
بالكلام
يمكن علشان كدا لاقيت نفسي في الكتابة
ومن طبعي بردة مش بعرف اعبر عن حبي لاي حد
مهما كان مقدار حبي لية
ولكن
الا رسول الله ص
بحبة وحب غير عادي
ميتوصفش في ميت بلوج
ولكن بردة
حبيت اعمل حاجة بسيطة وهي اني اجمع السنن البسيطة اللي مش بنعرف عنها كتير
ونحاول نقلدةفيها
اتفقنا
بتمنا كل اصدقائي المدونين يتابعو المدونة دي دايما
وحتي لو مش هتعلقو يكفيني انكم قريتو وعرفتو وحتي لو عرفين نعتبرها تذكرة
واكيد تعليقاتكم هتسعدني جدااااااااا
وبتمنا انكم تعتبرو المدونة دي بتاعتكم
وتشاركوني فيها وتبعتولي الاحاديث الي تعرفوها والسنن الغايبة عننا
وصور مبسطة زي الي هعرضها دلوقتي هيسعدني جدااااااااااااااااااااا مشاركتكم معايا
دة الهدف الاول
........................................
اما الهددف التاني
هو اصعب شوية
ولكن ربنا يسهل
وهو عن القران
هنحاول عل الاقل ناخد الجزء الاخير نعرف عنة شوية ونعرف اسباب نزول السور وتفسير المعاني الصعبة
وتاكدو مليون في المية اني مش هالف من دماغي اي كلمة
انا بحفظ قران في دار وبعرف التفسير من مصدر موثوق منة الي جانب ان عندي كتب تفسير حلوة جدا
يمكن ياجماعة اكسل اقري منها وانتو لو عندكم بردة تكسلو فا يمكن البلوج يشجعنا ويشجعني اني ابحث واهتم
وانتو كمان تشاركوني بارائكم بالسور اللي بتحبوها واللي تعرفو عنها كدا يعني
انا مش عالمة ولا ومتمكنة في الدين وممكن يكون في ناس كتيرررررررر منكم احسن مني ميت مره
ولكن بحاول ادرب نفسي وامرنها واعلي معرفتي واتطورها معاكم وبيكم وبتشجعكم
وكمان هي هتبقي مدونة متنوعة مش متخصصة في حاجة معينة المهم ان المواضيع كلها بتنساق عن الدين اوالدين في حياتة وعلاقتة بربنا يعني كل ما نتخيلة في حياتنا وكل واحد لية نظرة للموضوع
واللي عايز يشترك معاانا في المدونة ويحب يكتب فيها لو عندة اي معلومات ويبقي من التيم ممبر اهلا وسهلا بية
يقولي وانا هبقي مبسوطة جدا بالمشاركة دي
انا بكتب وجوايا تناقض بيقول
محدش هيهتم زي ما انت متخيلة ولا حد هيعلق ويشارك ويبحث ويحكي عن اللي يعرفة
وصوت تاني بيقول لا الناس اللي فيها خير كتيرة وكلهم بيحبو الرسول وبيحبو يعرفو عنة وممكن يفدوني
يلا كفاية رغي انا مش طبعي رغاية في الحقيقة لكن علي النت بنسي نفسي ويكمن النت بيرز جانب مننا احنا مش عارفينه
يلا نتفرج علي الصور
يعني بعد كل اكل التلات صوابع الاولي نلعقهم
لان لعقهم بيفرز مادة بتساعد علي هضم الاكل جيدا
صدقت يارسول لله صلي الله علية وسلم
