بسم الله الرحمن الرحيم
افتتاح مدونتي الجديدة
هو بصراحة لسة مش عارفة هعمل فيها اية
بس اكيد هحاول اخليها متخلفة عن التانية شوية علي قدر المستطاع
وممكن اعتبرها دردشة
يعني فضفضة علي نطاق واسع
بيني وبين نفسي
وبيني وبين اي حاجة واي حد
...........................................
يلا سلام دلوقتي اشوفكم قريب
هو بصراحة لسة مش عارفة هعمل فيها اية
بس اكيد هحاول اخليها متخلفة عن التانية شوية علي قدر المستطاع
وممكن اعتبرها دردشة
يعني فضفضة علي نطاق واسع
بيني وبين نفسي
وبيني وبين اي حاجة واي حد
...........................................
يلا سلام دلوقتي اشوفكم قريب
اللي يدخل جديد مينساش ياخد الجاتو والبيبسي وهو ماشي
21 comments:
بعد السلام عليكم
الف الف الف مبروك علي المدونة الجديدة ياست الكل
بس ينفع كده يعني .. ينفع أنك تفتتحي مدونتك الجديدة سوكاتى كده ولا عملتى فرح ولا دي جي ولا قاعدة علي الضيق حتي
وعلي فكرة مبروك ليي أنا كمان .. لأني أول واحد علقت في مدونتك الجديدة دي وده طبعا زادني شرف
أن شاء الله أنا متنبأ لمدونتك الجديدة دي أنها تكون جميلة جدا .. لأنها أكيد لن تقل جمالا عن مدونتك الأولي
وعامة ياستي فضفضى براحتك .. علي نطاق واسع أو علي نطاق دولي .. هتلقينا كلنا معاكي
والظاهر أن رمضان مش كريم بس في عباداته .. ده كمان كريم في مدوناته
عامة أن مستني الشربات يتبعتلي في مدونتي
وتحياتي
وكل مدونة وأنتي طيبة
وعقبال المدونة التالتة و الرابعة و الخامسة ..... والمليون
ههههههههه
عليكم السلام ورحمتة الله وبركاتة
اسعدتني ونورتني والله يا ابو صلاح
اية ياعم يعني ماخدتش من البيبسي والجاتو اللي كنت حطاهم
طب هبقي ابعتلك الشربات متقلقش
انا عملتها وكنت مش عارفة احطها مع التانية ولما عرفت جبتها
يلا الحمدلله
انا كنت عايزة اعمل مدونة تانية
بس الهدف كان في دماغي وبعدين قولت مش هعلن عنة دلوقتي لغاية ما اقرر اعملها كدا ولالا
ولسة مش عارفة
بس اللي فكرت فية اني مخليهاش بتتكلم في حاجة واحدة لان انا كمان من طبعي بمل بسرعة
بس فا هشوف بعد رمضان بقي ابقي اظبطها ان شاء الله
واعملها عمرة
شكرا علي اول كومنت واول زيارة
وكل حاجة الاول
والله دة كتير
انا هار علي نفسي شوية
هههههههه
الله يخليك يارب دايما
وكل مدونة وانت الاول فيها سلامممممممم
بعد السلام عليكم
وكمان جاية تجيبيلي الشربات بنفسك
لأ ده كده كتير أوي .. ده أيه الكرم ده كله
أنتي المفروض تفضلي قاعدة في الكوشة مرتاحة(كوشة التدوين يعني) وأحنا اللي نوزع شربات مدونتك الجديدة
ربنا يخليكي و يباركلك و يحققلك كل طموحاتك وكل اللي نفسك فيه
تحياتي
وكل سنة وأنتي طيبة
الله يخليك يا ابو صلاح
عايزة اشوف عندك بوستات جديدة بقي
وبعدين انا اجبلك الشربات لحد عندك ياسلام
هو انت شوية
المهم يكون الشربات عجبك
بصراحة انا لسة مش عايزة اعلن عن المدونة قوي علشان لسة معملتش فيها حاجة فهمت
بس
ربنا يسهل بقي
هو انت اصلا اشتغلت ولا لسة بتدرس
يعني في حاجة معينة بتكتب فيها
ولا تمرين ولا اية
تبقي تعرفني
يلا سلام
إيه ده؟ الله الله! كل ده يحصل وأنا معرفش ومن ورايا كدة؟ مدونة بحالها مش بوست خفيف كدة!!! كلام كتير هيتقال دلوقتي
الأول كل يوم وانتي طيبة وتكتبي كل اللي نفسك فيه
لكن تعالي هنا وأنا إزاي متعزمش حتى لو على الضيق نبقى نوسعه مش دي المشكلة لكن الكلام ده مينفعش أمال أستاذ إيه بقى؟ ده انتي خليتي سمعتي بين المخرجين زبالة يقولولي إلحق منى عملت مدونة جديدة وأنا أبقى واقف مكسوف كأنه أول فيلم ليا ومش عارف هعمل فيه إيه؟ عموماً أنا هطلع أحسن منك وأعزمك على المدونة التانية قريب لو فكرت أعملها إن شاء الله أو على أول فيلم أو الفرح زي م وعدت أبو صلاح أعزمه
يلا سلام
فرح اية
ممممممم
اعتبر العزومة دي وعد
والله عملتها علي الضيق
انا كنت هسبها فاضية كمان لغاية ما اعرف هعمل فيها اية
يلا بقي معلش
متزعلش مني
انا كنت لما اعمل فيها حاجة هبقي اعلن عنها
بس انا فعلا خلاص هسبها مختلفة مش هخصصها لحاجة
مترددة فيها قوي
انا اصلا عملتها علشان اختبر نفسي هعرف اعمل ولالا
اصل بيني وبينك انا ماكنتش بعرف اي حاجة في البتاع دة
والاستاذة نرمين معلمتي العزيزة هي اللي علمتني وعملتلي ماي هوب
وكمان هي اللي خلتني اعمل
قعدت تقولي اعملي ومش عارفة اية
قولت يلا اعمل وحتي لو هسبها فاضية مش مشكلة محدش عايز مني حاجة لان انا اصلا ولا ليا في الكتابة ولا القراية
اكتر حاجة بكتبها الاجابات بتاعت الامتحانات في الكلية
فا لاقيت نفسي بكتب بوست ورا التاني
تبقي تقرا باقي البوستات بتاعت البدايات
وتقولي رئيك
يلا طولت عليك
سلام
شوفتي ده رد عند أبو صلاح ويا عيني زعل منه , لأ بجد كان المفروض الواحد يتعاطف معاه ويغضب ربنا علشانه
لأ فعلاً أحرجه بس أنا أكتر حاجة دايقتني إنه مسلم يعني أنا مزعلتش إن حجازي خرج من الإسلام أد م اتدايقت إن التاني ده من المسلمين
لكن أبو صلاح عمل شئ كويس وبعدين أنا برضه إن شاء الله هكمل عليه ومش هيصعب عليا بالحبتين دول لكن هرد في بوست بس مش موجه ليه بطريقة مباشرة وأنا مش هحطه في بالي ولا هقبل أو أقبل اعتذاره ولا هعلق على كلامه هسيبه زي م سيبته في الأول
سلام
ربنا يهدية مش هنقول غير كدا
ولودخلت البلوج عندة هتلاقي في تناقض
شوية يغلط استغفر الله العظيم في ربنا وشوية يعتذر ويقول انا اسف
ربنا يهدية ويهدينا
سلام
بعد السلام عليكم
عزيزتي مني
أولا أزيك ، ويارب تكوني بخير دايما
ثانيا
أبقي عدي علي مدونتي وشوفي أخر التطورات ، شكلهم مش هيجبوها لبر
طبعا أن مستني نصايحك الجميلة
تحياتي
بعد السلام عليكم
مني العزيزة
طبعا كالمعتاد مش عارف أشكرك أزاي علي نصايحك الغالية دي ، وعلي اهتمامك الكبير ده
وياستي متقوليش مدونتك وأنت حر فيها ، لأنك خلاص بقيتي صاحبة مدونة والمدونة مدونتك وقبل مني كمان ياستي سواء أنتي يامني أو أصدقائي المدونين اللي بحبهم
أما بخصوص الحكاية اللي مش هتخلص دي
فهو
زي ماأنت قولتي ده جاي يبلغ رسالته عندي و شكله هيقلبلي مدونتي مرجع لقضيتهم دي
وعشان هو استفزني كما لم يستفزني أحد من قبل
وعشان أكيد كتير من المدونين شافوا الكلام ده
فأنا شايف أنه من واجبي أرد عليه عشان الناس تفهم حقيقته وبرضه مش هأرد عليه في كومنت هأرد عليه في بوست
لأنه الظاهر مفهمش رسالتي السابقة أو عامل مش فاهمها
وبناء علي كده .. يعني بناءا علي استنادي لتعليقاته دي مش هامسحهم في الأول ، ولكن هأمسحهم بعد كده
وطبعا أن شوفت تعليقاته دي متأخر
وعشان كده هأحاول أخلص الموضوع ده بسرعة
عشان انهي المسألة دي خالص
وقبل ما أنزل حاجة ، أنا برضه هأستني نصايحك
تحياتي
وكل سنة وكلنا إلي الله أقرب
بعد السلام عليكم
مني العزيزة
معلش أنتي عارفة أنا كنت مشغول الفترة اللي فاتت دي
ومعرفتش لغاية دلوقتي أديكي حقك في الشكر ، بسبب القصة اللي أنت عارفها
ولكن الحمد لله أنا نهيت الأمر خالص
ومستني برضه رأيك
وهأحاول فعلا أنزل ببوست تاني بسرعة عشان الحكاية دي تتقفل نهائي بقي
وتحياتي المؤقتة لأني هأرجعلك تاني
أرد عليكي في كام حاجة كده
وأشكرك برضه
وكل سنة وأنتي طيبة
أشكرك جداً يا منى على متابعتك الجميلة ولكن ياريت تشوفي البوست الجديد واللي إن شاء الله هيكون الأخير في الموضوع ده علشان طول أوي كدة
شكراً ومستنيكي
عليكم السلام ورحمتة الله وبركاتة
اوك تيجي في اي وقت
وبعدين
الحمدلله علي كل شئ
انا معملتش حاجة علشان الشكر
جزاك الله خير
سلام
بعدالسلام عليكم
أزيك يامني عاملة أيه؟
بجد بجد أنا حاسس أني بقالي كتير ماكلمتكيش
وأنا رجعت أهوه بعد تحياتي المؤقتة اللي عد عليها قرن دي
وأولا عايز أشكر مني العزيزة .. اللي كانت هتحول من مدونتها الجديدة لفرع من فروع الياهوه شات عشان خاطرنا
وأنا بجد مقدرلك تضامنك و تعاونك الجميل ده يامني وده سواء أنا أو الأستاذ
وأشكرك يامني علي اهتمامك الجميل ده
وأنا ياستي
بأدرس في السنة الأخيرة من كلية أداب إعلام شعبة صحافة
وحاليا شغال و بأكتب و بأتمرن في جريدة وشوشة .. وتحديدا بأكتب في صفحة الشباب
ده غير أني برضه شغال وباكتب في مشروع التخرج اللي مطلع عينا ده
وأشكرك مرة تانية علي اهتمامك الجميل
وبأعتذر بقي عن تأخري في الرد
تحياتي
وعلي فكرة يامني انا مستني بقي بوستاتك الجميلة
ولا أنتي بقي هتسيبى الكنافة و القطايف و تمسكي في كحك العيد
وربنا يعينك في العشر الأواخر .. ويتقبل منك أن شاء الله
ومتنسيش بقي تبقي تطمنيني عليكي
تحياتي
وكل سنة وأنتي طيبة
سلام عليكم يا عمرافندي
هبقي ادخل اشوف باقي الكومنت
شكرا علي الزيارة
سلام
كل سنة وانتي طيبة يا منى
ويارب إن شاء الله كله يبقى تمام وعيد سعيد عليكي وتخرجي بقى وتهيصي
استني العيدية قريب إن شاء الله
وانت طيب يا استاذ
ياريت نفسي اخرج واهيس
بفكر اسافر مصر
تغير
ومستنية العيدية
متتاخرش
بعد السلام عليكم
معلش بقي هأسلم عليكي هنا كمان .. رخامة بقي بعيد عنك
ماأنتي برضه سألتي عليا في المدونة وفي الاميل .. وبجد اسعدتيني بسؤالك ده
ربنا يخليكي ياستي
وبالنسبة لجريدة وشوشة فأنا والله مش عارف هيا بتوصل اسكندرية ولا لأ
اصلها جريدة خاصة
هوه باين بتوصل بس في اماكن معينة
عامة
ماتتعبيش نفسك ولا تكلفي نفسك
أنا أن شاء الله هأسحب الموضوعات اسكانر وهأبقي ابعتهالك
تحياتي
Post a Comment